當隻股票由$10升到上$30，再跌番落$30。呢個價位同高位比好似好平，有人會開始入貨; 再跌到落$10，重平，就算入左都要借錢溝淡。原來再跌時可以跌到$3。平同貴都係一個比較，合理既股價有幾多人識睇?
隻2600由$25跌到落$8曾經好想買，唔知合理價係咩，但覺得好鬼平。話晒都恒指成分股丫，原來低處未算低，跌到落$3都重得。如果而家入市佢可能跌到落$1...
幾蚊雞買信報淨係睇曹介超都抵，佢唔講number但話你知幾時係熊市一二三期。Well，佢話熊三未到，而家只係熊二尾，黎緊會有反彈。如果反彈到二萬點我一定會放部分股票，等再跌市時有錢shopping。
*****
買迷你債券蝕錢可以搵銀行賠、再搵政府包底，咁買股票蝕左有冇人賠錢、買馬輸錢馬會會包底嗎? 買左迷債d人係好可憐，係好很可憐，成千萬身家諗住買債券收息最穩陣，點知一鋪清袋。銀行都肯賠錢，但d苦主話賠六、七成一定唔得，係少一蚊都唔得。投資輸左重可以咁惡，匯豐同高位比都跌左三成啦，買債券包賺咩。冇事果陣d利息你就要，輸左果陣就一蚊都唔少得，咁樣重著數過擺錢0係床下底，輸打嬴要!
唔怪得d基金吹到曉飛去到最尾都要講句基金價格可升可跌~
No comments:
Post a Comment