手信

有時候無可避免，但最好唔好為左買手信而買手信。而家globalization，香港乜都有得買，再唔係上網買野都得，唔一定話你去左果度就要買d野番黎。

有一個肥表哥，佢老婆係美籍華僑。唔知表嫂0係邊樹出世，但佢唔識英文，廣東話又唔正，簡單d黎講佢係大陸人。自從結婚之後，佢地每年都會去美國探親。第一年係買波士頓龍蝦，生勾勾十幾隻龍蝦，唔知佢點運過黎。可能第一次去美國，興奮得滯，要買隻龍蝦黎做手信黎耀武揚威一番。隨後幾年變左買花旗參糖做手信，呢個比較合理。

最近果次佢地探親番黎，d手信再降一個level。佢地竟然買一盒電視廣告入面d外國小朋友當早餐食果d蜜糖圈圈，重寫左個價錢係usd1.99定2.99。Well….佢果十幾盒蜜糖圈圈都霸左半個0急，佢放自己野好過，重要專登出黎派手信，來回車錢都等於大半份手信，何必為左買而買呢?