崇洋

聽左個講愛情既電台節目，講而家d人成日彈港男、港女唔好，所以去媾老外。跟住重請左個同鬼佬有豐富拍拖經驗既女嘉賓接受訪問。香港人崇洋既成因不名，可能係比鬼佬統治過，或者中國人真係太醜陋，整咁多有毒既食物害人，但絶對唔係港男港女唔得呢個問題。兩個主持人d問題既角度比個女嘉賓更buy外國貨，好似"佢地d size係咪好大呀", "佢地持久力係咪好d", "佢地係咪浪漫d"，冇一條問題係問衰野，like 鬼佬係咪冇乜家庭觀念、對commitment冇咁認真等等。當知道有d鬼佬size原來唔係好大時，個主持開心到話自信心增強左唔少。大佬呀，你打從心底裡都覺得外國個月亮係圓d，但訪問完個結論係唔好一味崇洋，想點!

我大學選擇學泰文既時候，父母一齊反對，佢地好少咁齊心，0係泰國黎既阿媽都反對，話冇用，問我點解唔學下法文、意大利文果d。我想講，果d重冇用，學完冇得聽，又冇得講，畢業即刻唔記得晒。

唉，其實好多人都唔係咁鐘意自己既identity...