個天0係金融海嘨之時安排左個好緊密既行程比我，去完青島番黎原來又跌左咁多，冇睇開新聞又唔知咩trigger左呢一輪跌市，淨係見到一堆好嚇人既數字。
英鎊對11.9，euro對9.6，平保低見$23.5，招行$10樓下等等，而家真係cash is king。縱使成日諗起"如果而家有錢既話就好喇"，但時光倒流我都可能會早左入市。現金係會被通漲蠶食，有錢既話我都傾向投資，反正又唔係成家人等我開飯，d現金放0係到都唔見得有用，除左要交學費果排。同一個道理，d股票都唔會放住，放左d現金又唔係有用，唯一有用在遲d再低d時入市，但我又點估到幾時係低位，陣間又比個市fake一野，又蝕多轉，而家都係一動不如一靜。
我老豆經過多年黎股市既洗禮，口就話股市靠唔住、都係做生意好，但都係忍唔住入市博反彈，你話博反彈既吸引力幾大?
0係$24.5入左平保，真係希望佢升幾蚊等我老豆放左去，佢蝕錢我真係冇飯開~
Subscribe to:
Post Comments (Atom)
No comments:
Post a Comment