嘉美

唔係家好月圓既路嘉美，亦唔係做醫生既關嘉美，係我公司既高嘉美。其實"嘉美"個花名係公司同事諗出黎，因為一樣係奸角，而一樣有把好直既頭髮fing fing下。

老細想佢搞d活動令大家團結d。例如今日去一個日本人同事屋企燒野食，0係嘉亨灣。唔知邊個提出，朝早十點鐘0係太古城等跟住一齊去買野食。西灣河對我黎講都幾遠，八點半要出門口，好似番工咁。有d同事重住大埔tim，真係瘋了。其實係卜左十二點開始燒，講真，使鬼買兩個鐘意野食咩，搞咁多野不如去燒烤場，唔使買唔使洗，重唔使去到咁遠。如果個意圖係參觀嘉亨灣，不如分兩次搞啦。

老細叫佢做既野都達到某部分既目的 - 就係令大家團體d。本身d同事都分左兩派，而家大家有左共同敵人，即刻friend左，一齊抵禦外敵，haha!

佢既問題係，同大眾距離太遠喇。0係外國番黎，一方面想同班同事friend，另一方面又不屑班OL水平太低。你估個心唔like、表面扮friend咁易做，人地聞到陣味啦。所以，今次既活動我決定甩底，要我一早起身去BBQ，我應該扮唔到enjoy...