過左個糜爛既週末，唔單止冇生產力，重嚴重地影響今日既生產力。
星期六諗住去數碼港，果度做緊個希臘節，一來去入過cyber port，二來搵個地方影下相。由於時間既關係，最後出左旺角hea左半日。是日主題為教朋友買股票，查實自己都唔識買，不過友人連IPO係乜都唔知，呢d我都重應付到。總結下買股票既經驗，今年既眼光的確比去年好。上年個市咁好，加上新股大部分都有唔錯既回報，但埋單計數可能今年回報重好d，皆日有幾隻幫我蝕唔少。有時d野，交過下學費真係會學到野，今年選股同入市timing都好左。
夜晚比人捉左落Search，話係最後一夜。一入去已經想走，重乜一個咁嘈、咁多人、咁勁煙味、咁黑既地方都重有人去，唔怪得係最後一夜。跟住去Volume，呢間好少少，中環果然比銅鑼灣高檔，d人都正d，但都係超多人，好嘈。我重未學識the art of clubbing~
冇端端搞到四點先番屋企。靚表妹重未訓，一路喊住睇柴犬乜乜物語，so scary。攤抖下成六點先訓。
星期日，晏晝睇赤壁。可能冇乜精神，覺得套戲好慢，都唔係roller coaster式hehehumhum大片。不過下集應該會好d，因為唔使再用咁多時間介紹歷史背景。
夜晚去南山村食飯，再上我屋企睇相。是日主題為徐老闆同laurette到泰國暗渡陳倉事件。一個女仔同另一個男仔去泰國玩，但唔可以話比男朋友知，0係泰國要情侶影相，重話大家冇野。成件事係充滿娛樂性，徐老闆連番否認，但個樣keep住春風得意，好似樂在其中，咁樣好難令人信服。大家都唔係小朋友，唔係人地話有聖誕老人就信。我地思路清晰，要辯護都請過好d既辯方律師，死雞撐飯蓋法官都會判你有罪架!
散水後，失戀client K托我照顧同提點佢個ex。大佬呀，如果係遺言千萬唔好同我講，我d內疚會跟住我一世再帶埋入棺材架。都係同個ex報左案先。呢個係咩流年，大家都感情波動、情海翻波? 又有人投訴情海一d動靜都冇，波平如鏡。唉，有又煩無又煩。
糜爛既日子唔過得耐，八月廿三號已經要開學，到時就要做三年學生哥。
No comments:
Post a Comment