寂寞難耐

人類係群體動物，唔敢講全部，大部分人既生活圈子都會有其他人存在，例如屋企人、朋友、同事、什至搭車買野食野都一定會有人既出現。我覺得人係需要第三者去體現自己既存在。有d闊太，老公日日做野唔0係屋企，錢就多，朋友就唔多個，日日對住個工人同隻狗，好似0係間房死左都冇人知咁。佢地通常都以shopping過日神。shopping既時候，d sales姐姐實賣口乖，扮晒friend咁。梗係啦，一個客都做夠數咯，實孖住架，去旅行都要買份手信做下樣。well.....件事係醜陋，不過無傷大雅，反正老公搵到錢，又買到開心。


最慘係有d人拍拖都係出自寂寞。自己未必意識到，但實情係想有個人0係身邊，最少有人知道自己發生緊咩事，唔係死左都冇人知道咁。呢個就唔係無傷大雅喇，感情事處理得唔好就身心都好大困擾。萬一果刻身邊冇個適當既人選，是但搵個人而果個人又令自己唔開心，賺到既係一刻既歡愉，但埋單計數應該都係蝕既多。


人有權選擇做喜劇定悲劇既主角。一跌左入悲劇個vicious cycle，d主角傾向將劇情做得dramatic d，自己搶戲d，好多時分手既傷心好似唔覺意放大左。行後一步睇下個whole picture，其實世界係美好既，自己有權選擇做喜劇既主角，最緊要自己開心，而唔係搵個人填左寂寞個空間就算。