三天假期

都係番左香港先發現今個週末有成三日假，真係開心。連續三個星期都係四天工作天，有時打工都幾好，番少一日又照出糧。個假期好充實....

- 同朋友分享左去旅行既相，又執下自己d相。雲南d相係好靚，但我睇番我鐘意歐洲d相多d。可能我崇洋，外國的月亮是圓的。不過番大陸都比到咁既滿足感算好喜出望外。

- 是但租左兩套戲，<兄弟>同<投名狀>，咁0岩都係講兄弟情。投名狀幾好睇，陳可辛出品真係有信心保證。

- 有三個星期冇做運動，打波打到氣喘。教練話我應該係fit左，去左高原訓練，我話我有高山反應，佢當真。

- 陪朋友買左部DSLR - SONY A350。香港人真係好鐘意影相，度度都賣晒。最後0係laser買到重得到好好既服務態度，增加左購買過程既滿意度。

- 同superman傾左幾輪電話。唔知幾時開始同佢熟，係熟到咁。你放心，我呢個星期好得閒，有咩要買一次過講...