第一年參加渣打馬拉松10公里挑戰賽。前一日重諗做乜會參加架，半夜三點要起身，五點三起跑，六點幾就跑完，早到我屋企都未派報紙。呢d應該係對自己冇信心而產生既負面思想，都報左就頂硬上啦。
賽前目標係1 hr，估唔到跑到53min呢個成績，真係遠超預期，好開心。前陣子0係gym零碎及冇系統既訓練其實好有幫助。真係多謝徐老闆叫我一齊玩，比個動力我去regular做運動。重記得以前pe堂跑步，二幾個男仔我係跑尾四尾五，見d肥仔都跑得快過我。連我都跑到53min，我相信只要肯練人人都可以within 1 hour。
而家情緒高漲，好想下年都玩。一黎係一個好好既動力去做訓練，二黎成個體驗係好好。成條天橋封左黎比賽，除左呢個event重有乜機會0係東區走廊跑步。而且有機會睇到人地點organize個大project。個比賽有成四萬幾人參加，係一個好大既project，有幾萬人會將隨身物品寄存0係大會度，地方就得維園咁大，要安排唔同組別既參賽者寄存同攞番d野，兼且要疏導d人唔好塞住條路，其實係好難。跑完每人都會有一少袋食物，有香蕉、朱古力、梨、電解質飲料。d野食係咪有贊助架呢，講起生果都諗唔起係咩公司負責。從賽事多處細節都見到主辦人係花左好多功夫時間去搞個比賽，好佩服。
驚大家唔記得，我係跑53min呀!!!!! 呢個創舉我相信我會攞黎講成世...haha!
Subscribe to:
Post Comments (Atom)
2 comments:
出年我都MAKE IT
Really? looking forward to that...
Post a Comment