Battle at Kruger

峰迴路轉~

中英文什碎

英文

有個我只聽過馬來西亞同新加坡人會講既英文，係"we should make a move" & "it is very happening"。前者即係我地要走喇，後者係有好多事會/可以發生。就算英文好好既都會咁講，但又好似冇鬼佬會咁講......

中文

睇李純恩既蘋果專欄學到個新中文，如下：

彭 浩 翔 的 新 戲 叫 《 破 事 兒 》 。 在 這 部 戲 之 前 ， 他 出 了 一 本 書 ， 也 叫 《 破 事 兒 》 。
這 「 破 事 兒 」 三 個 字 ， 要 照 北 京 腔 ， 用 「 兒 化 音 」 來 讀 ， 在 「 事 」 字 之 後 ， 將 「 兒 」 字 輕 輕 帶 過 ， 讀 成 「 破 ─ ─ 事 （ 兒 ） 」 ， 才 是 正 音 ， 如 果 一 個 字 一 個 字 照 讀 ： 破 ─ ─ 事 ─ ─ 兒 ， 連 北 方 人 都 不 知 道 什 麼 意 思 。
北 京 人 說 話 ， 如 說 到 什 麼 不 屑 的 人 和 事 ， 都 喜 歡 加 個 「 破 」 字 。
一 隻 好 好 的 碗 ， 會 變 成 「 破 碗 」 ： 「 你 看 這 隻 破 碗 ！ 」
一 個 好 好 的 冰 箱 ， 會 變 成 「 破 冰 箱 」 ： 「 這 破 冰 箱 ！ 」
一 張 好 好 的 紙 ， 因 此 也 會 變 成 ： 「 這 張 破 紙 ！ 」
若 是 碰 到 那 一 樣 東 西 真 的 有 點 毛 病 ， 那 就 更 甚 了 ： 「 什 麼 破 玩 意 兒 ， 你 都 往 家 搬 ， 你 這 人 怎 麼 就 這 麼 沒 用 ， 盡 幹 些 破 事 兒 ！ 」
你 看 ， 這 就 是 「 破 事 兒 」 了 。
以 前 認 識 一 個 香 港 男 人 ， 娶 了 個 北 京 老 婆 。 這 男 人 在 娶 老 婆 之 前 ， 大 概 是 將 自 己 的 經 濟 能 力 吹 大 了 一 點 ， 那 是 九 十 年 代 初 ， 香 港 人 在 大 陸 同 胞 眼 ， 個 個 腰 纏 萬 貫 似 的 。
然 後 這 女 人 就 來 到 了 香 港 ， 住 進 了 政 府 廉 租 屋 ， 跟 公 公 婆 婆 擠 在 四 百 多 呎 的 單 位 ， 失 望 之 情 可 想 而 知 ， 氣 便 不 打 一 處 來 ， 整 天 罵 罵 咧 咧 埋 怨 。
男 人 是 標 準 香 港 男 人 ， 普 通 話 都 說 不 利 索 ， 哪 見 過 這 等 架 勢 。 就 來 跟 我 訴 苦 ： 「 我 懷 疑 佢 精 神 有 問 題 ， 我 屋 企 好 好 ， 佢 都 話 係 爛 ， 一 開 口 就 係 『 你 們 家 這 個 破 電 視 』 『 你 們 家 這 個 破 洗 衣 機 』 『 你 們 家 的 破 床 』 ， 好 好 ， 佢 都 話 係 破 ， 係 唔 係 黐 線 呀 ！ 」
我 就 跟 他 解 釋 ， 他 家 的 東 西 真 的 不 破 ， 但 因 為 他 的 北 京 老 婆 覺 得 嫁 他 是 做 了 一 件 特 別 不 順 心 的 「 破 事 兒 」 ， 所 以 萬 物 皆 破 。 結 果 ， 這 一 段 婚 姻 也 以 一 個 「 破 」 來 收 了 場 。

馬來西亞什碎3

星期六自由活動時間，日本人去打golf，我出左市區行下。0係leaflet會出現既商場，原來比一個領匯既商場更不堪，點解我會坐幾廿蚊的士去鳳德商場或者黃大仙中心呢? 因為冇知同苯X。

出黎行下總好過0係酒店，竟然比我撞到louis。佢就係做我呢個職位上一個同事，我同佢冇共事過，只係跟同事一齊出黎食過飯。佢女友係馬來西亞華人，佢地車我去左兩個景點，夜晚一齊食飯，竟然去番酒店tour個海邊大排檔，橋到呢.....

日本人話當巧合既事出現左兩次就會出現第三次，果然係，重要係好野tim。louis同我地同一班機番香港，我同佢同埋日本人係分開check in，但我地louis一齊upgrade去biz class，咁大個人都未坐個biz class，超興奮。個飛機餐好多野食，逐樣野serve，坐完唔願坐番economy喇......

馬來西亞什碎2

原來檳城有個好大既工業村，唔知政府用咩手段去吸引咁多外資設廠，除左CM，亦有好多供應商。兩個架仔都大開眼界，電子界既朋友都應該去睇睇。

有一日join左酒店個tour，係夜遊檳城、食所謂既local food等等。夜晚6-9，咁就三舊水實在係唔抵，再加上我之前都黎過知道冇野睇就更唔抵。而家我可以實話實說講檳城真係冇野睇，是但整個公園出黎就話係景點，都係放棄做旅遊業吧啦~

檳城冇野睇，但有野食，0係馬來西亞黎講檳城係出名食好野。0係機場同酒店攞左d leaflet都話必食"char koay teow"，黎到梗係想食地道野，但老實講都唔知呢個係咩黎，唔知去邊度食亦唔識叫，跟呢個tour終於食到，食完腦海不期然出現個粗口字......呢個所謂既英文原來係中文，即係炒粿條，係我地既炒河粉，再加少少辣味，真係明苑都整到。成份leaflet都用英文講"char koay teow"，都唔知鬼佬點識叫。重有一樣出名我又想試既係拉茶，呢次係用馬拉式英文，呢樣野叫teh tarik。就算去一個decent既餐廳要一個英文menu，都只係會見到"char koay teow"同"teh tarik"，呢d都叫英文咩???

馬來西亞什碎1

由於頻頻出trip既關係，呢排的確比較忙。有一半(或更多)時間都唔0係公司，咁唯有把握0係公司既時間做晒d野去。星期三出差日真係未停過，要準備見客既文件。以前份工個個星期過珠海，個感覺好輕鬆，唔使諗有冇帶回鄉卡、見客要用既野、衫褲、錢等等，好似一齊盡在掌握之中。相反，而家出差個心好亂，成日驚帶漏野。一黎未必次次都去同一個地方、或同一個行程和安排，要帶既野好大分別; 二黎就有一次差d唔記得帶passport，搞到而家檢查十萬次都覺得自己係帶漏野，重要係非常重要既野; 三黎而家次次都同日本人去，好似有人近距離監視自己工作咁，萬一去到個客度人地問乜都唔識答就奶野。

今次又係國泰。對我黎講，坐飛機d時間過得好快，可以睇書或者睇戲，而且我隨時可以訓著。今次睇左"hairspray"，慳番唔使租碟。查實歌舞片係咪廸士尼發明，就算到而家都係佢地枕住出歌舞片，其他公司好似好少出咁。

七點到馬來西亞檳城，feel like渡假，個感覺好似華欣，間酒店都好似我平時去開華欣間酒店。

低買高賣

東周刊同資本一週本來賣廿蚊，0係機場都係賣十蚊雞，就算唔睇開都忍唔住買。其實睇過幾次資本一週都覺得唔好睇，寫d行貨野比幾個number咁。入面有篇總編既專欄講到自己對大市睇法點準點準，我可能會買幾期睇下佢係咪真係咁準。佢有個表係比number，再加埋本週策略。d tips可能準，不過個策略係廢，分別係：低買高沽(1088,670,917,3988)、低撈高沽(2628,2899,883,004)、同低撈(005)，而且冇比入市價同目標價，咁幾時買都幾時賣呀，下星期是但搵個全週最低同最高價佢實0岩架喎.....

天這樣藍 (KTV)

Freeze - 金睛火眼

除左佢地三個，重有邊個女仔會買佢地隻碟。香港麻乜佬個market大到可以養起佢地嗎?

出差

出差係咪好好玩呢? 可能。工幹係咪一份優差呢? 有時。

當其他人知道你份工有得出差，唔需要知道什麼行業、工作性質、去做乜野，第一個反應通常都係:好正喎，有得出差。去泰國實晚晚去玩啦，好忙? 梗係忙住連去幾間吧，又唔買手信比我.....

一份工作既比你既價值包括好多野，最直接梗係人工(呢樣好似好重要，但未必係最crucial)，重有工作環境、工作時間、滿意度等等。記者份人工可能得10k，但做記者既比到既滿足感可能值5k，別人會唔理解，各樣加埋其實佢做得好開心。

而講番我，出差講真唔覺有乜好玩，但的確帶比我一定既優越感，所以我會好自豪咁講我下星期去馬來西亞啦。自己冇認真係量化，但出差呢舊野我相信我潛意識都count左佢幾k......

無題

跑步係人都識，但要參加競爭性既比賽的確有一門學問。有系統地練習、找出較弱既肌肉針對性地訓練、跑姿、呼吸等等，冇人教的確好難有進步。我既目標好簡單，一個鐘之內跑十公里，跑完膝頭唔痛就ok。

*********************

番HKU聽講座，唔知點解好多女眼望望，200%肯定唔係我靚仔啦，乜解救? 另一發現係港大多左好多大陸人，canteen度成枱都係。有人話HKU而家變左青華，越來越多大陸人。雖然係咁，番港大行下都係好開心、好有優越感。

Kiehl's lip balm

名牌子潤唇膏，只係一年時間已經變質，潤唇效果依舊，但附送一陣防腐劑味。冇諗過潤唇膏會變質，冇諗過咁快。佢既主人已經有另一個生活，日日帶住佢出街並唔係要留住去年的回憶，只係本著重用得唔好掉住個心態。

人面全非，變左質既野唔好留低。今日就dum左你!

又驛馬星動......

上次九月，今次十二月，一季一次驛馬星動，望到個行程已經覺得攰。剛剛去完泰國，之後會去馬來西亞同武漢。由於無機位，12-14/dec個馬來西亞之旅可能要星期日先番到香港，咁.....我同個架仔星期六0係檳城做乜好?

除左飛呢兩轉，中間重夾左大量堔圳即日來回。成日唔0係公司，點睇實個市?

HKU mentorship program

HKU mentorship program - 一個有意義又罕有地我想參與既活動，耐何社會經驗不足，我肯做人mentor個mentee都未必收貨。

他朝我成為mentor既時候，相信我對自己既生活各方面都好滿意!

中移動 vs 國壽 vs ......

分析過我自己對股票既分析後，個結論就係我唔識分析。而家d PE 咁鬼高，對高PE呢樣野已經麻木左，高PE股票升完可以再升，低PE可以keep住低，因為郁都冇郁。連最簡單既指標都冇乜參考價值，我真係冇乜野可以參考......

不過，咁多隻中資股入面，我係最睇好中移動。過去果兩個月個市咁波動，有美國次按風暴、大陸宏調、資源股供大於求、節能減排、國內通漲等等大事可以左右股市，呢隻跌完到另一隻跌。大市調整，中移動例牌比人郁，但查實咁多壞消息冇單關佢事，好消息就有，咩炒發3G牌照、上客量創新高等等。

又，我入左幾隻中資股都唔入中移動，硬係覺得百幾蚊一手好貴。所以，我會專心炒中移動輪.....請祝我好運, haha!

東京鐵塔

期望，一樣容易導致失望既想法，有左佢真係輸多嬴少。帶住佢入戲院今次冇運行。

一個大路既故事，拍得淡淡然，細水流長咁。我體內少少果血濃於水既親情support唔到我去喊，什至乎係感動。算，有時(or好多時)我都係冷酷無情......