Professionalism

禽日碰到0係的近做既律師F，感覺到做律師真係幾辛苦。佢前一晚先由大陸飛番香港，夜晚十一點幾先到，跟住就即刻番公司做野，因為話有份野趕住交，做到成四點幾。跟住番屋企啦，點知獨居既佢留低左條鎖匙0係公司，已經係五點幾，點算呢? 佢就去左阿媽屋企攞條士啤匙，到訓時已經六點，跟著十點又番到公司，好似平時一樣咁番工。

我心目中既律師係好叻。雖然律師F唔係果type，佢又成日講到律師係做埋d無聊野，打字影印咁，但十一點夜機到香港再番公司做到四點幾，即刻令我覺得佢好professional!

d醫生成日投訴工時長，要stand-by三十個鐘;會計師又話做野辛苦......香港d專業人士都真係一分耕耘一分收穫。