日本之旅2

- 三日既行程，上左數十堂，收左48張卡片，個情況好似食自助餐咁，0係短時間之內吸引最多野，重係with great varieties。夜晚再同班架仔食飯，再去卡拉ok，十一點幾先番酒店，第二日又六點幾起身，好似一日有18個鐘係比左公司一樣......

- 認識到日本人夜晚到居酒屋食飯飲酒應酬既情況，雖然唔係佢地講乜，而且食親飯都成三粒鐘，但我都幾enjoy，當係文化交流，都係一個好既體驗。夜晚到卡拉ok係一個更深入既文化交流。我去既所謂卡拉ok其實就係香港既pub，個卡拉ok係公眾既，一入去就有小姐黎招呼，有幾多小姐就睇當時有幾多客，冇客既話所有小姐會坐晒過黎。我去既兩間所有小姐都唔係日本人，有香港人、大陸人、台灣人，泰國人。佢地應該係唔賣身，都係針下酒咁......個問題係點解小姐既年紀會咁大架呢，都係年過四十既中女，或三十到尾而又冇保養既師奶。OMG......好似我班姑姐同我一齊飲酒一樣~

- 最後一日有三個鐘行下。雖然好趕，但都好滿足喇。去左秋葉源同上野，行個圈再食 lunch就夠鐘喇。聽日講過話成田機場冇野買，但對我黎講都已經好多野買。0係機場買左成萬yen野，大部分都係野食......

- 夜晚十一點先番到屋企。要即刻洗衫，星期日又執過，星期一泰國lu!!!