"Die hard" should be renamed "Mission Impossible"

一套富娛樂性既電影。動作場面接二連三咁黎，又有我喜歡的Maggie Q，但係何解......

- Bruce Willis可以不死? 而家係"Die hard"，唔係"Cannot die"。如果佢係主角真係唔死得，就唔好咁多場"命懸一線又化險為夷"既場面啦。最誇係出動到戰機都走得甩。戰機都輸比貨車，咁唔使打仗啦...

- 0係架van仔度都控制到架戰機? 套戲拍到美國既野好高科技，但只集中0係壞人身上。禁個delete制又會爆炸，部電腦爆炸冇理由會炸左間屋喎，除非有爆藥。用得炸藥就唔使等佢禁delete制啦，計時炸彈咪重實際...

- 壞人持槍指向冇武器既好人時，次次都要越行越近等好人可以埋身肉搏反擊? 呢個做法係哪國電影開創先河再將之發揚光大呢? 港產片同西片都係咁。遠距離打跛對腳就玩完啦，老闆都冇話生擒，行咁埋做乜春...

雖然有少少誇張，但呢套係動作片而唔係戲情片，要求不能太高，比六十蚊入場我覺得係值既。

Congrat Roger Federer!!!

Five Wimbledon in a row, four consecutive US open and 11 Grand Slam in total. Winning four more GS titles would make him surpass Sampras and set a new record. It looks more than conceivable at the moment.

This is already an incredible achievement. If I were Roger, I would be very satisfied even if I could not win another major. This attitude makes the difference of our career. One aims high and one sets the target low.

A personality test

The test is simple, just takes you like 5 mins. With that many questions being asked, it can be accurate at times.

http://www.imagini.net/

又想出電話

睇完CK既blog，講及一個人找到一百個聘請他的理由也好，只要一個缺點，即可致命。例如一個手提電話，儘管有五百萬像素、CD般既音質、速度快、電耐用、又唔當機都好，如果通話質素有問題，真係唔識得點compromise。

SL由Nokia fans轉到SE P990I既懷抱，哪曉得它的通話質素、它的無故cut我線、它的介面和它的體積，全都令我回憶Nokia給提供一部電話最少要有既素質。當初何解要咁貪心買部懶係勁既多功能電話呢?

呢一刻都未後悔完，SL又想出一部PDA phone，係HTC既Touch，怎麼辦?

唔係我財唔入我袋

去年，看過東尼的推介，再加上"2600"這個編號，買入中鋁(2600)。$5買，$6放，再加上股息，的確幫我賺過些少零用。中鋁股價不斷升，好似由屋村妹升格到澳門金沙賭場常客、花兩萬多0係養和做完激光矯視都要0係香港住酒店休息既AC一樣，玩在已經飛上枝頭，跟我當初認識的它(她)已不一樣，今日股價係$14。真係唔係我錢唔入我袋。

最近，BM入左中旅(308)做財務。縱使股價已經升左好多，但有內幕消息，話會再刺激股價。SL聽完就算，好友EC禽日聽完我講就買，今日就放，又執幾K。係佢既錢真係注定入佢袋，冇計！雖然此中旅不同彼中鋁，冇"26"跟住，但都叫同名，而家唔入到時佢又$14我又好揼心......入唔入好呢???

另外，JC有不可靠消息透露，"985"可以多加留意，今日已升超過10%。各位買左有錢賺可以請我食飯，不過輸左自己負責，唔該！

錢和女人

給電視劇多年的薰陶，當男人有苦惱的時候，"男人唔係煩錢就係煩女人"這句對白就會走出來。

最近，不太男子氣的好友WL亦有這個男人的煩惱。一來感情問題讓他忐忑不安、胡思亂想，睡不著，亦不能投入工作，而他花了不少錢在他另一半身上，不斷喊窮。所以，兩樣都中晒。他約我到Pacific coffee飲野，但大家都沒喝咖啡(我猜是因為咖啡貴所以他沒有點.....hehe)。

講完，他也是做自己的一套，嘥氣！

最後，大家一起到uniqolo買衫。好鬼平，$129有兩件t-shirt。

十年人事

每日打blog實在係有難度。見到人每日都打，重要打咁長，真係佩服。

********************************************************

呢排報紙猛寫十年回顧，咁我又回顧下啦......

1997年，我十六歲，讀緊中四，重係一條傻仔咁，朋友唔多個，又冇乜嗜好，睇下電視又一日。不過，我記得果年係好有心機讀書，成績係好好。

十年光景，建立左我一頁resume。

- 考左會考、高考。雖然唔係考得好好，不過都收貨啦，至少讀到大學。

- 0係港大攞左個電子工程既學位。成績麻麻，要三年半先畢業。果時好驚畢唔到業，但原來都有2nd lower，好開心架喇。

- 學識左泰文同普通話。呢兩樣野都有用，一樣係去玩時用，一樣係番工日日用。雖然冇花時間0係英文度，不過我心知係進步左，academic既野差左，實用既野叻左。

- 做過六間公司，超過半年既有兩間。如有意外都係做營業員，叫做搵到條路。事業黎講，我由初生之犢到而家有幾年工作經驗，心態的確改變了很多。每一間公司都有唔好既地方，天下咁多公司，點搵一間完美既出黎，把注意力放在現有工作，享受呢份工重實際。縱使外面有比而家呢份更好既工，但我短期內唔會轉。

- 發現自己係冇目標，又冇事業心既人。成日提住要做生意，其實搵咁多錢都唔知做乜，我又唔係要買樓結婚。到我搵到個目標先再發奮啦，而家hea住先。

- 去過歐洲、加拿大同埋東南亞數個國家旅行。諗唔到乜野地方真係好想去，其實同邊個去緊要過去邊度。不過，好既旅行partner難求，又未必夾到時間，退而求其次傾到計既都殺啦。有另一半就更perfect，但我其樣不揚，呢個option都唔抱太大期望。

- 好朋友可遇不可求。呢個班底同十年前差唔多。

- 有戀愛經驗。這是過去十年最重要既經歷。有呢十年經歷，希望未來十年可以過得更精彩。

- 健康，一樣係唔太好。而家決心要多做運動，希望十年後我可以話自己健康左好多啦。

- 屋企人，都係咁。係自己大個左，發少左阿媽脾氣，不過間唔中都會失控。白龍王都叫我控制下自己情緒，慢慢黎啦。

細個時恨做大人，不知不覺原來做左大人，都係做小朋友開心d

股票投資

眼見打工難望發逹，而財富不斷被通漲蠶食，投資是必要的。

經過一年股市的洗禮，開始知道長期持有優質股的好處。近日來的短線炒賣有賠有賺，經常跑輪大市。而且，每天也留意財經新聞亦令SL有些疲憊，賺果一千幾百實在係得不償失。所以，SL決定放手頭上短線炒賣的股市，重新黎過，玩長期持有優質股。

等著瞧吧。

PS: SL是一個善變的人。重新黎過呢個諗頭每個星期都會出現，唔知呢次會堅持幾耐......哈哈！