Any upset is a rule upset

最近見到網友寫upset，方發覺自己有好多rule upset。

Rule既係心裡既規則、標準或價值觀，遇到違反呢d rule既事情而唔開心就係rule upset。而呢d rule並冇絕對的right or wrong，既然冇對錯，有時候改下條rule的確係會令自己開心d。例如，四個玩開既好朋友，其中三個約埋玩唔預我，有可能有原因唔搵我，or只係唔記得搵，whatever the reasons，呢樣野可能令我有rule upset喇。而呢樣野有時黎得太自動化或機械化，變相有好多upset。

我對朋友比較少呢個情況，當然一次半次都會有啦，好似有一次唔知點解拍枱閙個朋友仆街，但呢條rule已經冇左，希望唔會事件重現。而對屋企人，我strongly believe我對阿媽係set左好多rules。白龍王都叫過我冷靜d，咁講等於叫個唔讀書既人努力讀書，講條一定冇錯既大道理但對事情幫助有限。

跌、跌、跌、跌

由二萬點等到三萬點都唔跌，幾時有調整呀?

呢排開始睇信報曹仁超，學佢話斎，止蝕唔止賺，升市莫估頂。0係呢個市重要揀股唔揀市，咁揀咩股好呢? 佢話大陸建築股好，係時候做下功課喇！

扮豬食老虎

泰國有個動物園將一隻老虎同d豬養0係同一屋簷下，隻老虎好食好住唔會去搞d豬，大家相安無事。泰國人就命名個館叫"扮豬食老虎"黎吸引d旅客。

其實隻老虎都幾慘。老虎同豬咁大分別，冇理由唔知自己同d同伴有分別。佢又唔可以將自己變豬，或者將豬變老虎。得佢自己一個，基本上都唔使諗有得交配生仔。佢原始既天性，獵食同交配，都冇晒。好可憐！

如果我係老虎，我情願當自己係豬......

色‧戒 ( Lust‧Caution )

床上戲係咪一定要拍呢? 唔係既。但尺度容許咁去盡時當然去到盡啦，唔係點拍出主題。Lust, be cautious!

色，會令人迷失理智、做錯決定。我都要色戒。

辦公室的影印機

最近公司換了台影印機，方發覺公司的影印機是租回來的。舊的那台canon租約未滿，但minolta願意自己租斷還有三年的合約，再sell我地租佢台新機。佢地咁樣做生意有冇錢賺架...

全香港有幾十萬間公司，個個都租機既話，咁多舊機回收番點處置呢?

行行企企的一週

大陸人唔使番工，我既工作都變得清閒。0係不斷有msn msg既情況下，早上十一點我已經做晒全部野。有時間就幫個blog改頭換面，整埋自己個樣上黎，我就係企0係中間大肚腩果位，唔識我既朋友唔好再問或者估我個樣喇...

BTW，heroes第二季出左喇。除左呢套，有冇人推介值得追既劇集呢?

事無不可對人言

人總有自己的秘密，有時重要守其他人的秘密。給人赤裸裸窥看自己的確令人不自在，不過，咩事都收收埋埋係會令人唔開心。

朋友們，唔該唔好同我講d驚天地、泣鬼神既秘密。一黎，我前額已經刻了"我不能守秘密"。二黎，我知道你地既秘密會影響我呢個人生理念。

呢番說話唔係話我已經出賣左你喇，對號入座既朋友請放心。為左行出第一步，我要同大家講個秘密。

其實我係一個
.
..
...
....
.....
......
型男!

幸運的我

我越來越覺得個天對我好好，縱使有失意既時候，但體會和見識越多，對這個想法感受越深。而且，保持這個心態令我個人開心左，因為冇乜野可以投訴或埋怨。呢個正面既cycle令我count my blessings既項目越來瑣碎，例如:

容易入睡
沒有"開大"既煩惱
有人陪我間中北上按摩
坐十五分鐘車就可以現場睇到咁大型既煙花
個人生得黑黑實實，個感覺強悍d，上陸又安全d
......

有d人真係覺得個天欠左佢地咁，咁樣諗活得幾咁唔開心呢!