做運動

近排養成左做運動既習慣。起始係因為join左"加州健身"，咁反正都比左錢，得閒就去喇。做做下就習慣左喇。

練出一個好身型的確唔容易(最少對黎我講係)，飲食要均衡啦，又要有恒心做運動。好既身型0係我身上好似重未出現過，真係唔明人地d腹肌點練。如果我可以做gym做到重番十磅，又練到腹肌，呢個都可以算我人生既一個小achievement!

通常成功既企業家都有"make sth happen"既能力，例如Richard Brandson，唔讀書走去搞本學生雜誌，冇端端成立左Virgin Music，再冇端端成立左Virgin Air; 或者好似黎智英咁，11歲偷渡黎香港，0係澳門落船，用身上所有錢食左四碗雲呑麵。之後一蚊都冇又搞左間Giordano，又搞左間壹傳媒。

而我要develop下"make sth happen"既能力，body building係第一步。

PS: 真係pathetic，咁遲先行第一步，個目標又咁卑微......

Federer's 50th titles

呢兩星期都有網球比賽睇，搞到好夜瞓。不過睇到federer嬴第五十個title，都好既。唔夠瞓真係幾傷身，成面暗瘡......已經唔靚仔啦，而家重雪上加霜。

咁0岩睇到李純恩又講網球比賽比喻人生。0係grand slam入面單打有成128位球手參賽，排第一同排第128實力當然有差距，但又唔代表一號種子嬴梗。抽籤既結果都好大影響，因為各人都有各自既剋星。所以，實力重要之餘，際遇都係一個因素。

今日支籤唔靚，唯有練好d波啦......總有一日會有支好籤既。

Business trip

I have been looking for a job that could let me go on biz trip more, it is nice to fly around and meet different people. And I found the job now. Actually, the job is not really the ideal one. But it is not bad considering how lazy & not-aggreesive I am!!!

Guys, I will be on trip for three weeks in a row, to three different countries.

Aug 30, 31 Shanghai
Sep 4-8 Japan
Sep 11-12 Thailand

Hey, Joe-san, I stood you up for a reason. I am still in Japan on Sep 8. Sorry about that!!!

股市過山車

今日恒指最大跌幅有成1286點，收市時真係v型反彈，跟美國一樣，跌幅收窄到285點。見到咁既景況，一路睇住個市，都冇心機做野。今日update股價既次數應該過百次，哈哈。一千點都應該稱唔上股災，但原來已經好恐怖，小弟真係未見過世面，而呢d世面最好唔好比我見到.......

呢次跌市又交左些少學費，雖然唔算好貴，但都好肉痛。人有三衰六旺。旺既時候，事事順景，逢賭必嬴，最膚淺表面又最容易睇到梗係搵好多錢。但衰既時間，可能一件事就玩完，可以係意外、疾病、情緒問題等等.....假如我d股票之前帳面上賺好多架話，而呢幾日我賺既蒸發晒，我既心情一定好差，或者重要蝕架話，我都唔知自己會點。所以睇遠d，做人又會開心d。可能我上年賺既冇人地咁多，而到今年其實turn out我係冇蝕咁多。失戀既朋友都係，如果冇遇過一個壞人，到將來點會更加珍惜個好人。好多時候唔好咁早埋單計數，個結果會好唔同。

今日做左止蝕，到收市原來重升突。雖然個心重好唔甘心，不過當買個安心都好啦，如果唔係下個星期日日坐股市過山車，冇覺好訓。做長期投資者既好處係可以不問股價，安心收股息，而且又信得過管理層會照顧d股東，唔怪得hsbc咁受歡迎。

經過今日發現左高息股既好處......

不能說的秘密

好看的電影總有原因。原因在哪?

這是一個不能說的......秘密!!!

網上交友

自從去年買過黎智英其中一本書之後便深深著迷，還買了他所有出過的書。基本上都是他的童年生活、生意經等等。很喜歡看企業家的書，尤其是白手起家那種。他們活生生實踐了"有信念便做得到"這條大道理。一個十歲既細佬仔偷渡番香港，一到埗便花光所有錢吃了四碗雲呑麵。SL由細到大都冇缺過錢，諗唔到佢一蚊都冇下一餐點算、點搭車、去邊度訓等等，更諗唔到佢點創辦到Giordano同壹傳媒，有成七十億身家。

幫佢賣左兩句廣告，當然有所求啦。今年書展亦買了他的新書"黎智英踏上生意路"，有篇文章好想節錄出黎。(雖然係抄，但有reference好過冇啦，我用自己文字又表達唔到個意思。)

**********

在現代社會，深交的朋友難求，不過那可不表示我們沒有這個需要。物質愈是繁榮，人愈是自主獨立，人與人之間便少了相互的依賴，感情也便無法生根。

我們都很容易習慣自主獨立、方便、效率高的物質生活。寂寞無聊嗎?可以上網跟陌生人聊天、打機，渾然忘我，幾個小時一下子便過去了。這是無的放矢、不着邊際的自我放縱，時間是打發了，情緒無疑也發洩了，可是感情郤沒有半點着落。沒有關心維繫的對象，那又豈能抒發感情?沒有思想相通的諒解，心靈又豈會充實?

這樣打發時間，無聊可能沒有了，寂寞卻反而加深。寂寞是個藏在心坎裡的繭，沒有深厚的感情灌注，內裡彩蝶也就不能破繭而出，而心靈也不會充實起來。

沒有錯，現代科技可以幫我們大人際網絡;透過電郵、手機短訊和社交網頁，一天裡跟成千上萬的人溝通，可是這當中又有多少是可以跟我們心靈相通的知己?是的，有高科技之助，我們的人際網絡是不斷擴大了，可是朋友郤愈來愈少。科技讓我相識滿天下，那可無助於促進人與人之間的深入了解。

現代人工作繁忙，生活節奏快而緊張，應付一天的工作和生活所需，身軀固然疲憊不堪，精神則更要躲到單獨的空間去喘氣還魂，那又怎還拿得出九氣心情款待、娛樂朋友?真的騰得點兒閒暇出來，也好留下來坐到電視前或上網自娛了。習慣了這種忙碌、自我隔離的生活，好些人甚至以為自己根本便不需要朋友。可是像這樣生活過的人又不難發覺，寂寞跟失眠一樣，都是他們每一晚要面對的魔怪..........

**********

像AL般每天上網交友，並不是我那杯茶。可能我既推動力重未夠大......

北京武漢之旅

- 原來港龍既空姐幾靚女，平均質素幾高。

- 北京既空氣點解可以咁差? 一個咁既城市點解可以辦奧運? 個情況應該係......我身在尖沙咀會見　　　　　
唔到中環，跟住望過去新世界中心都好模糊，0係室外點做運動呀?
見到咁既情況，我非常唔buy奧運概念股，而睇好同環保有關既工業。不過，大陸同事話中國個　　　
口話要環保，其實個底係唔環保，所以佢都唔睇好。

- 首都機場同香港國際機場差好遠，個股價升得咁勁，又點解呢？

- 中國人民還需要多年既公民教育先可以同國際接軌。我未0係外地生活過，但以我所見都冇話見到打尖重聲大大、就咁掉垃圾落地下既情況。有時都理解點解陶傑咁憎中國人！

Update of blog

當冇野occupy我既時候，就係我update blog最密既時刻。呢排番工開始有工作喇，而放工又唔知點解成日唔得閒，所以咁耐冇update喇。原來養住個blog都唔容易......我細個時養乜都唔長，死既死，送比人既送比人，受害既種類有花草樹木、狗、金魚大量、倉鼠、龜、龍貓、馬嬲、蜘蛛......

我諗呢個blog都唔係長命百歲既相，希望重有機會長大成人啦。我諗我都養唔掂女朋友、老婆仔女呢d咁難養既生物，都係單身算把啦!

**********

做呢份工終於有機會坐飛機喇，下星期二三四會到北京同武漢。第一次去武漢，唔知有幾熱呢?

有個咁有新鮮感既trip打底，相信下星期會過得好快。呢排d時間過得真係快，呢個係好事定唔好事......